I website romasintigenocide.eu, o flogoskero murdaripe upro europitike Roma taj Sinti tematisirinel taj o terdschijiptscha ande schov tematscha ande ulal. O tematscha pedagogischi upre butschalim ule, sakoneske tematschakere kapitliske jek butjakeri patrin historischi informacijenca taj jeka upre dima butjaha del. O tematschengero arodipe ando vusko khetan butschalinipe fatreterenca/fatreterkijenca but europitike organisacijendar le Romendar taj Sintijendar taj butschalinipeha fochiskere historikerendar/historikerkijendar andar o reste vilagi sina. O butjakere patra upre odola vilagi pumen irinen, ande save Roma taj Sinti maschkar 1933 taj 1945 tradim taj murdarde ule.
Uso jekoschne tematscha sa khetan, buteder sar 70 butjakere patra del, save ojs PDF ar dschumim schaj on. Odola na bauninen upre pumende upre taj schaj palo ajgeni sikajipeskero- vaj interesijengero pharipeskero punkto ar rodim on.
O butjakere uprediptscha upro butjakere patra micinen tumen, neve phutschajiptscha te terdscharel taj bajder te reschaschirinel; delahi hatek maschkar i cajt le nacijonalsocijalismusistar te jek logeri le Romenge taj Sintijenge ando paschipe le ajgeni atschipeskere gavestar?
Saki butjakeri patrin jek kvela (kipi, dokumentscha t.a.) ando maschkarutno punkto terdscharel. Ada le siklojaschenge pomoschinel, kvelakere kritischi kompetenctscha te siklol.
O cile kapitlini taj butjakere patratscha ande 12 tschibtscha del.
O butschalinipe la websitejaha ternenge usar 14 berscha hi.
Bajderi materijaltscha le sikavipeskere dschenenge
Andi vasteskeri kenva usi website laken pedagogtscha/pedagogkiji informaciji uso genocid upro Roma taj Sinti taj metodischi koji uso lipe le siklipeskere materijaltschendar uschtiden. I vasteskeri kenva akan meg prik butschalim ol taj bojd informacijenca uso akan erscht use alo kapitl „viderschtraund“ pherdi ol. I aktujeli versijona, savi adaj le tel loninipeske del, imar le andbescharipeske ando sikajipe lim schaj ol.
Pasche, te o cile butjakere patra la websitejatar taj jekoschne kipi, save upri website lim on, le tel loninipeske prik terdscharde hi.
