Pe website romasintigenocide.eu arakhadol e tema genocido pe l’ Evropakê Řom thaj Sinti thaj le pecimata sî thode pe šov teme. Svako tema sî gêtome pe pedagogijaki sama; pala svako temako kapitlo sî jek bućaki patrin historijakê informacijenca thaj sićuvimaskê bućasa. E selekcija le temengi alosardi sî ande ko-operacija le reprezentantonca kata l’ diverzni evropakê Řomengê thaj Sintongê organizacije thaj vi ko-operacijasa kata historičarur anda l’ thema kaj sî po puśimos. La bućakê patrja sî numa pa kodola thema, kaj sas le Řom thaj Sinti pe l’ bêrš 1933 źi ka 1945 progonime thaj mudarde.
Pala le teme sî totalno 70 bućakê patrja gêtome kaj šaj te aven printome sar PDF. Le patrja naj ande kak řîndo, nego svako jek patrin šaj alosardol, depedentno kata ćiro sićarimasko fokuso vaj kata ćiro intereso.
Le buća kaj arakhên pe l’ bućake patrja dena tumen voja, te thon vi tume neve puśimata haj te roden vi tumen maj dur; sas po egzemplo pe Hitleroski vrjama vi jeg logoro pala Řom thaj Sinti pašê kaj bêšen tumen?
Svako bućaki patrin fokusiril jek izoro (patreto, dokumento etc.) Kodo aźutil le učenikongê te aven kritični thaj kompetentni pe sama kata l’ izvorur.
Sja le kapitlur taj bućakê patrja arakhên pe 12 śiba.
E bući la website-asa sî pala têrnimata kaj sî barem 14-e bêršengê vaj maj but.
Adicionalni materijalur pala sićaritorja
Ando manualo kata website arakhên le pedagogur bazični informacije pa genocido le Řomengo thaj Sintongo thaj arakhên vi metodakê rekomandacije sar te haznin le sićimaskê materijalur. O manualo arakhadol momentalno pe revizija taj kam thol pe po čaptero „rezistansa“. E aktualno verzija, kaj arakhadol katka pala download, šaj već akana haznil pe pala l’ lekcije, e nevi verzija dela maj but informacije pe nevo kapitlo „rezistanca“.
Adicionalno sî katka sja la bućakê patrja kata o website thaj vi individualni fotografije, save šaj kêren „download“
