Protestosko lil | romasintigenocide

Ka 12. majo 1938 ramosarde efta Řom anda burgenlandicko gav Redschlag jek protestosko lil taj trade les kaj „Deutsche Reichsregierung“. Ando lil kêrde von prostesto pa pengi diskriminacija. Von malade, kê le NS-regionlano šêrutno o Tobias Portschy thodja bi zakonosko diskriminacije, sar kaj sas, te na maj avel le Řomen losarimasko pravo, te avel pala řomane śavořê školaki zabrana thaj le Řomen te na avel len maj but „Arbeitslosenentgelt“.

Źanglen tumen

… kê šov źene kata l’ jefta źene kaj dine peski šêmnatura tala protestosko lil, sas xućilde kata gestapo thaj sas te poćinen pesko protesto peskê trajosa? Numa jek źeno anda lende daštisardja fajma te našêl pe vrjama ando Ungro, kaj sas pašê.

Tumari bući

Arakhên egzemplur kata publikakê protestur, kaj pecisajle xancî vrjama angal taj vi but vrjama angal, aj te šaj arakhên, te pecisajlo sja kodja ande tumaro them. Savo bilaśmos kam arêsel eke źenes adjes kana del peski sêmnatura tala jek publikako protestosko lil?

Paj fotografija

Protestosko lil kata l’ Řom anda Redschlag karing o governo ando Baro Njamco, ando Berlino, ando majo 1938. O lil sî pa Řomengi diskriminacija kata l’ regijonalni raj. Dokumentationsarchiv des österreichischen Widerstandes DÖW 12.543.

E1 Protestosko lil