B7 Izolacija

La komunakê reprezentantur taj la politikakê partije maladjile pe takozvani „Zigeunerkonferenzen“ te diskutuin le šajimata kata kodola komune, save maj but naštisarde, vaj či kamle, te ankêren le financijsko pharimos, savo andja lengê o vučo Řomengo brojo, save aśile desja čořê. Pe konferencija diskutuisarde von diferentni solucije, sar po eksemplo e formacija kata jek „Zigeunerreservat“, e deportacija le Řomengi pe k‘ insulo ka tixo okeano taj e formacija kata bućakê logorja pala Řom, save sî bi bućako. O patreto sîkavel membrur kata jek oficialno komisija, savi kêrel jeg vizita taj dikhêl le trajoskê kondicije ando „Zigeunersiedlung“ Oberwart.