I4 BUCHENWALD (D)

Po 1938-dikno bers má but sel nyimcike romen taj szinten liginye ando buchenwaldiko lágeri, aszo paso Weimari sztya. Ando 1939-dikno bers 600 osztrákike szinti taj roma resztye oggya Dachauvosztar, maskar lende but tinidzserja. Athar odolen ako túl dzsivgye − 500 romen taj szinten −, ando 1940-dikno bers ando mauthauseniko lágeri liginye. Kana o auschwitziko méribnaszkero lágeri pe 1944-dikne berseszkero nyilaj ánde kergye, papale 1800 romane taj szintike mursa géje Buchenwaldoszte, de andar adana 200 manusen ando szeptemberiko maszek pále bicshagye Auschwitzoszte pe lengero mundaripe. Auschwitzosztar majna 1000 romane taj szintike dzsújen menekítingye ári ando buchenwaldike hurdeder táborja Altenburgoszte, Schliebenoszte taj LeipzigTauchate. Maskar lende báre zalog dzséne dzsivgye túl i búti ando blovingergyári.