I4 BUCHENWALD (D)

Već ando bêrš 1938 deportirinde le naci njamcickone Řomen taj Sinton ando KZ Buchenwald, kaj sî pašê kata o foro Weimar. Ando bêrš 1939 trade le naci karing 600 austrickone Řomen taj Sinton kata o logoro Dachau ando logoro Buchenwald, maškar le řom sas vi but têrnimata. 500 Řomen taj Sinton, kaj aśilesas źuvinde, trade ando bêrš 1940 ando KZ Mauthausen. Kana ando milaj 1944 phandade le mundarimasko logoro Auschwitz, trade le naci karing 1.800 Řomen taj Sinton ando Buchenwald. 200 źenen lendar trade po septemberi 1944 palaj eksterminacija palpale ando Auschwitz. Karing 1.000 Řomnjan taj Sinticen trade 1944 ande l’ pašutne logorja kata o KZ Buchenwald, ando Altenburg, Schlieben taj Leipzig-Taucha. Numa cîřa źene preživisarde le bimanušîkane trajoskê kondicije ande l’ armakê fabrikê kata kodola logorja.