F2 Na use phendo aunprindscharipe

1980 o khetanipe le nimtschke Sintijendar taj o khetanipe le fogosime flogendar o pradipe le maschkar i cajt le nacijonalsocijalismusistar kerde aktijendar taj datajendar pedar Sinti taj Roma andar o bundakero archiv mangle. On jek pradimi rehabilitacijona le tschulipestar mangle. Ando 4to April 1980 reste pumen deschujek Sinti vaschoda upro than le agune logeristar Dachau uso bokalipe. Pal ofto divesa o bajrischi ministeri le andrutneske use phentscha, le atschipeske le aktijendar palal te dschal. Ojs resultato le bokalipeskere talalinipestar, o bundakero kancleri andar oja cajt, Helmut Schmidt, 1982 jek delegacijona le angloda erscht harne kerde centrali rotistar le nimtschke Sintijendar taj Romendar, use peste akartscha. Ande leskero phendo, o Schmidt, erschtivar o flogoskero murdaripe le 500.000 Sintijendar taj Romendar andi bundakeri republika Germanija, aun prindschartscha.