E2 Politischi intervencijona

Ando 16to decemberi 1942 o rajipeskero vodaschi SS Heinrich Himmler phentscha, hot o cile meg ando nimtschko rajipe dschivde Sinti taj Roma ando logeri Auschwitz ledschim iste on. Telal dschivipeskeri dar mangla o le hamischne papruschenca ando garujipe dschivdo Oskar Wilhelm Rose ando 5to April 1943 vasch jek vakeripe le kardinaliha Michael Faulhaber andar München. Leskero probalintschago, le kardinal use jek intervencijona gejng o ledschipe le butvar katolischi Sintijendar taj Romendar te micinel, schofim na ulo. O kardinal pisintscha ande leskero kalenderi: „Uso sekretari jek Zigeuner, le anaveha Adler, katolischi – O 14.000 Zigeunertscha ando rajipeskero than ande jek logeri khetan kedim taj schterilisirim te on, i khangeri te pomoschinel. Use mande kamla. – Na, naschtig pomoschago use phenav.“