C5 Sterilizálime

O 1933-asno törvényi azí sztya, hogy te n’ oven aszave ivadíki, ako öröklötne naszvalipenca oven. Taj adá törvényi legalizálingya o sterilizácijóvo po cele aszave mursa taj dzsúja, ako le nácenge na teccinnahi, szar phenasz o fogyatékosne, akaszke o trupo vagy i gódi naszvali sztya, o manusa ando „teleder ikerde faji”, taj o „születetne bűnözővi”. Maskar o 1933-dikno taj 1945-dikno bers buter szar 400 000 manusen − maskar lende but romen taj szinten − sterilizálingye avka, hogy ónk na kamnahi. Páro dzséne maskar o mursa taj dzsúja inkáb o sterilizálási választingye mist’ odá, hogy te na len lidzsen ando lágeri. Áveren zórjaha sterilizálingye aszar oggya resztye ando lágeri. Adá törvényi meg sztya zsi ko 1988-dikno bers! Adana manusa soha na hudinye nista váse!