D2 Mundarimaskê logorja
Ando decemberi 1941 buhlili jek tifusoski epidemija ando „Zigeunerlager“ kata o geto Litzmannstadt, kaj sî adjes la poljskako foro Łódź. Ande „gasoskê vurdona“ mundarde karing 4.600 Řomen, save angêrenas ando Chełmno/Kulmhof. Numa deš kurke pala kodja, so arêsle 5.007 austrijakê Řom taj Sinti ando foro Łódź, sas savořê mundarde. 4.400 źene lendar sî praxome pe bi-sêmnome masovni grobur ando vês kata Chełmno, lenca kethane praxome sî 150.000 jevrejur taj miji de miji sovjeticka marimaskê řobur.
