D7 Méribnaszkere Dzsavibja

Ando 1944-dikno bers o komáromiko tábori jek központo sztya, aká ketháne kednahi ole ungrike romen, ako upp’ odá uzsarnahi, hogy ando nyimcike lágerja len te lidzsen po roboto. Ole romen először ando megyejikne „cigányike“ táborende lidzsnahi, pálal butenge buter sel kilométeri kampja te dzsan gyalog ando Csillagerődo Komáromoszte. Odoj ári választingye le mursen taj dzsújen, ako dzsannahi búti te keren, po következőno dzsavibe ando Nyimciko. But dzséne andar odona, akasz Komáromoszte ando tábori mukje, múje andi bok. But dzséne ávera ando méribnaszkere dzsavibja múje ánde, kana dzsanahi mero Nyimciko Birodalmo. Maskar odona 10 000, akasz ando erődo ikrenahi fogjoszke, csak 4000 dzséne dzsivgye túl.