H5 GELSENKIRCHEN (D)

Ando bêrš 1937 munčisajle Řomengê taj Sintongê familije rajenga zorasa taj rajengê šikanenca pe ‘k forosko kampingosko placo. Pala kampingosko than ka tordjonas lengê vurdona musaj sas te poćinen taj trupe kataj SA kontrolišînas regularno o placo. Ando aprilo 1939 djindja kote le foroski policija „45 familije 237 manušênca ande 51 vurdonende“. Palal musaj sas pe zor te munčin pe le familije pe kampingosko than ande Beginenstraße, kaj dikhên katka fotografirime. Vuni Sintongê familije našle ando Köln, numa kotar deportirisajle le maj but źene lendar ande Poljska. Le manušên kata o logoro Gelsenkirchen deportirisarde 1943 ando Auschwitz.