H12 MAXGLAN (A)

De kata o bêrš 1939 phandadesas 230 Sinti taj Řoma ande ‘k cîkno „Anhaltelager“, ando Maxglan/Leopoldskron-Moos, jek cîkno than pe periferija kata foro Salzburg. De kata o bêrš 1939 sas svako zanato kaj sas pe phirimaski sama, zabranime, aj le familije kaj sas phandade ando logoro, tromanas te mêken o logoro numa pala peski bući. Cîřa maj palal tromanas te mêken o logoro numa pala bući pe zor aj kodja tala supervizija. Ando bêrš 1943 deportirisarde 160 Sinton anda kado logoro ando Auschwitz. Maškar le deportirime manuš sas 17 śavořê kaj biandile ando logoro.