G2 Frankfurt (D)

Ando 1929-dikno bers pe fóreskero szílo Frankfurtoszte jek lágeri kergye le oggyavalósne szintenge taj romenge. O tanácsi próbingya zórjaha uppe te len le romane taj szintike családen, hogy te muken pumare khera ando fóro. But családo, ako le tanácsiszkere támogatásisztar függinnahi, na dzsangya áver te keren, aká baro melalipe sztya. O lágeri ando 1935-dikno bers ánde csukingye. Kathar o 1937-dikno bers ole romen taj szinten, ako Frankfurtoszte taj Hessenoszkere áver ríszende dzsivnahi, ando dieselstrassiko lágeri bicshagye, aká ando 1938-dikno bers le Robert Ritteriszkero Fajhigiéniajiko taj Népességbiológiajiko Kutatóintézeto vizsgálattya kezdingya te keren po rabi. Buten maskar lende pálal ando méribnaszkere lágerja ligije.