D1 Lágerja

Le romengero taj szintengero elsőno csoporto ando 1938-dikno bers liginye ando lágerja. Pálal ando 1939-dikno bers tömegszámra kezdingye te lidzsen le manusen ando lágerja Dachauvoszte, Buchenwaldoszte taj Ravensbrückoszte, akija but ezeri osztrákike romen taj szinten bicshagye po roboto. Azí mer odolen liginye, ako búti birinnahi te keren, hogy te roden po máro, lengere csalággya le segéjjendar függinnahi − mist’ adá o fórike raja odá szigyantatinnahi, hogy még buter manusen te lidzsen! Ole raben ando lágerja o SS-i ánde kategórijázingya. O kategóriji odona szimbólumi szikavnahi, aszo po gáda sztye szivde. O roma taj o szinti átalába o kalo trijangulumo kamplahi te phiraven, aszo le „antiszociálisne“ raben szikavlahi. Zalog lágerende o roma külön barnave trijangulumoha sztye jelzime.