I9 MAUTHAUSEN (A)

O KZ Mauthausen sas peskê 200.000 řobonca – jekh anda le maj bare KZ-ura kata o „Trito Rajx“. Leskê řobur sas maj but sovjetoskê manuš, jevrejur taj politikakê řobur. Kata 1938 źi 1945 mundarde le naci katka karing 100.000 manušên. Maškar le 500 Řomengê řobur arakhadilo vi o dad kata o Karl Stojka, kas ando bêrš 1939 deportirinde ande kado logoro. Vov sas maškar le anglune řobur kaj angêrde len ande kado logoro. Ando bêrš 1994 pîterdja o Karl Stojka jek memorjakî tabla ande demîltuno KZ Mauthausen.