I12 WESTERBORK (NL)
La holandijako logoro Westerbork kêrdosas ando bêrš 1938 sar našadengo logoro pala njamcoskê taj austrijakê jevrejur, save našlesas anda o „Trito Rajx“. Kana ando majo 1940 o Njamco okupirisardja e Holandija, kêrdilo kodo logoro jek transitosko logoro. Holandijakê jevrejur taj vi Sinti taj Řom deportirisajle katar ando AuschwitzBirkenau, ando Sobibor taj ande aver logorja. Ando majo 1944 astardile 574 takozvani „vonvagenoskê manuša“ taj angêrdile ando Westerbork. Katka dikhle len e naci, če manuš sî le; 245 źene anda lende kategorisarde le naci sar „Zigeuner“ taj deportirisarde len ando Auschwitz-Birkenau. Numa 30 źene lendar nakhle źuvindes o genocido.
