C3 „Preventivni mere kontra o kriminaliteto“
Le nacionalsocialistur ankalade jek antrego řîndo zakonêngo taj regulacijengo, kaj dikhêlas sja le Řomen taj Sinton sar „biande kriminalcur“. Lengo argumento sas kasavo: ‚Jek Řom, vi te na kêrdja źi akana či sosko kriminalno delikto,varekana pe varesavi vrjama kam kêrela jek kriminalno delikto, kê kodja arakhadol taj aśêl ande lesko biologijako naslestvo taj sî genetično fiksirime.‘ Ando ramo kata „preventivni mere kontra o kriminaliteto“ phandade le Hitleroskê manuša na numa kodole manušên, save čačimasa kêrde kak kriminalno delikto, numa von phandade vi sja kodolen, save pala lengo gîndo, šaj te kêrenas varekana kak kriminalno delikto.
