E9 Retertscha
Uso reteri but Romendar ando logeri Lackenbach uso o baro vorakero raj Baron György de Rohonczy. Dschi 1921 sina ov jek barikano birovtschagoskero butschaschi le becirkiskere favojtinipestar andi Uprutni Pulja. Ojs jerimo monarchist palo arvrischtschanipe la republikatar 1919, o dijanst tel paschlartscha taj ande leskeri bari vora butschalinlahi. Palo pradipe le „Zigeunerengere logeristar Lackenbach“ 1940 but Romengere familiji lengere tschavenca, ojs butschaschtscha leskere bare vorijendar getschen lelahi, latscho habe taj atschipeskero than len delahi taj afka lengero dschivipe retinlahi. Valami 50 upre leskere rajiptscha ojs thaneskere butschaschtscha and bescharde Roma, schaj pedar i granica ando Ungriko, nasche gele. O Rohonczy le NS-birovtschagendar vasch leskero pomoschago le Romenge, schoha aun astardo ulo. Leskera akcijonaha jek koja le avre rajenge bare vorijendar beschartscha, save buteder Romen andar o logeri getschen schaj lenahi taj afka len te retinel dschanahi.
