E9 Skêpitori

Jek Řomengo skêpitori ando logoro Lackenbach sas o raj o barono György de Rohonczy. Źi ka bêrš 1921 sas vov jek šêrutno administracijako funkcionaro kata o distrikto Oberpullendorf. Sar čačikano monarxisto mêklja vov peski administracijaki bući ando bêrš 1919 ka republikaći proklamacija haj kêrelas bući pe peskê phuvja. Pala pîterimos kata o „Zigeunerlager Lackenbach“ ando bêrš 1940 primisardja vo but řomane familije lengê śavenca palaj bući pe peskê kîmpura thaj phuvja, vo pravardja len laśes sar trobul dja len vi bêšimaskê thana haj kodolasa skêpisardja lengo trajo. Maj but de 50 Řom kaj kêrenas leste phuvjaki bući daštisarde te našen ando Ungro paj bar. Pala kodo aźutimos č’ eg data nas le ras Rohonczy problemur kata l’ Hitleroskê raj. Lesko aźutimos sas jeg laśo egzemplo vi pala aver phuvjakê raj, kaj vi von rode Řomen anda lageri thaj kadja daštisarde te skêpin lengo trajo.