E3 Naschikeripe
1941 o deschupantsch berschengero Rom Johann Baranyai upral leskeri buti andi Telutni Austrija ando afka akardo „Zigeunerengero logeri Lackenbach“ ledschim ulo. Odoj iste ov use poschtitoskere bauninipeskere projektscha mujsinipeskeri buti kertscha. 1943 khetan leskere pajtaschiha pedar i pasche paschlimi granica ando Ungriko naschi lo gelo. Nisaj papruschenca, garudo ando nimtschko rajipe pal lo alo. Andi Germanija, andi thaneskeri virtschoft buti lakla taj paloda ande jek pekartschago. Kaj lo and tschapim te na ol, mejdintscha pe ov 1944 usi pauncerengeri grupn le nimtschke nimcendar. Pal kejmpfiniptscha pharo dukado, ov ando sovjetischi andastaripe pelo. 1945, 19 berschenca, andar o lacaret naschi gelo taj afka te la deportacijake ando Rusto.
