E3 O našimos

Ando bêrš 1941 deportirisarde le raj le têrne řomes Johann Baranyai, kaj sas deš-u-panźe bêršengo, katar peski bući ando Niederösterreich, thaj angêrde les ande takozvano „Zigeunerlager Lackenbach.“ Kote sas te kêrel bući pe zor pe l’ dromengê projektur. 1943 našlo lo eke amalesa paj bar ando Ungro kaj sas pašê. Bi lilengo boldja pe vo čorjal palpale ando Baro Njamco. Ando Njamco arakhlja vo kak agro-kulturaki bući aj pala kodja kêrdja bući ande ‘k pekarna. Te na bi denas le gaźe pe leste javisajlo vo ando bêrš 1944 voluntarno ka tankoski grupa kata „Wehrmacht“. Po fronto zurales řanisajlo.Vo arêslo pala kodja ande l’ vast kata sovjeticko sistemo. Ando bêrš 1945, kana sas lo 19 bêřsengo, našlo lo andaj špita taj kodolasa skêpisajlo kataj deportacija ande Řusija.