B1 Le Szvitoszkero Gazdaságiko Válságo

Telo szvitoszkero gazdaságiko válságo manusengere milijóvi nasagye pumare bútya andi Maskarutni Európa. And’ odona divesza csak ando jek-dú országi sztya munkanéküliko, nyugdíjja vagy bisztosítási te naszvale ovna. But bibútyakerne géje andar o fóre pále ando gava, akathar származingye taj préko linye le romendar o bútya. Bute romen nasoká resztya o bokhajuvibe taj le rajenge segéji kampja te potyinen, hogy bukader te ovel o csoripe. I hóli egyre bareder sztya maskar o manusa taj bute thanende ári kamnahi te cshidkeren le csorre taj bokhale manusen.