A7 Iskolásno Cshávo

O Karl Stojka ando 1931-dikno bers úja jekhe buka gaveszte andi Télalutni Ausztrija. Leszkero családo Lováriko sztya, aszo jek csoporto hi maskar o roma. Barvale grasztane kupecca sztye taj szako nyilaje vígig dzsanahi ando Stájerországo, Burgenlandoszte taj andi Télalutni Ausztrija. Jevende átalába Bécsoszte vagy páse ácshije. Kana o but náci zór pumenge linye peder i Ausztrija, o családo má pálal na dzsanlahi szako nyilaj te phirkeren taj mist’ adá Bécsoszte bestye téle. O csháve − o Karlo taj leszkere trin phenya taj dú phrala − Bécsoszte phirnahi andi iskola taj szig but baráttya len úje. Leszkere dadeszkero rendesno nevo Karl Horvatho sztya, de szako csak avka le pindzsarlahi, hogy Wakar. Leszkere dakero cshajiko nevo Sidi Stojka sztya, de butvar haszningye te o Rigó ánglutno nevo, hogy szako te dzsanel, hogy endánya hi le bare híresne lovárike családoszke.