I3 BELZEC (PL)

Le anglune deportacije kata l’ Řom taj Sinti ande Poljska ankêrdile ando aprilo 1940; 2,500 njamcoskê Řom taj Sinti angêrdile ande l’ logorja ande poljskakê cîne forur Bełżec, Krychów taj Siedlce. Le manuš kata la bućako logoro Bełżec sas te kêren konstrukcijakê buća pe granica kataj Sovjetoskî Unija. Kako bućako logoro phandadilo ando bêrš 1940. But Sinti źangle te našên taj zumade te preživin ande l’ vêša, numa kote astarde len pale le njamcongi policija taj le kêtani. Le maj bute deportirime njamcickone Řomen taj Sinton mundarde len vuni bêrš palal ande Poljska. Ande l’ bêrš 1942 taj 1943 ankêrdja e SS ando foro Bełżec jeg baro mundarimasko logoro, savo sas kotor kataj „Aktion Reinhardt“.