I2 BERGEN-BELSEN (D)

Le marimaskê frontur kata savezno kêtanija pašile de kata o milaj 1944 sja maj but, anda kodja musaj sas te phandaven pe sja maj but KZ-ura. Pe tomna 1944 arêsle kata l’ phandade KZ-ura miji de miji desja ćine řobur pe takozvani „moartjakê maršur“ o Bergen-Belsen. Po ivend 1944/1945 arakhadile maj but de 60.000 řobur ando prja pherdo logoro. Maškar lende sas vi vuni šêla Sinti taj Řom anda KZ Buchenwald. Kana po aprilo 1945 e englezicko kêtanija slobodisardja o logoro, arakhlja voj bare grêmade bi-angropome mule manuša. But źene kaj źi kote aśilesas źuvinde, sas te meren bokhatar.