F6 Aktivisto Pala Řomengê Taj Sintongê Čačimata: O Karl Stojka

Pala le marimasko agor kêrdilo o Karl Stojka jek vestime austrijako bizničari. Vov lja pe, te makhêl patretur ande peskî slobodno vrjama. Ande lende sîkavel vov so pecisajlo ande KZ-ura Auschwitz, Buchenwald taj Flossenbürg. O Karl Stojka sas jek angažirime aktivisto pala le Řomengê taj Sintongê čačimata ande Evropa taj trudisajlo pala priznajimos le Řomengo sar narodoskî grupa. Vov mardja pe vi pala kodja, te le Řoma taj Sinti, kaj preživisarde o holokausto, dobin kompenzacija palaj bilaśimata kaj kêrde pe lende.