F4 Evakuisardi: Sofia Taikon

E Sofia Taikon, jek poljskaki Řomni, angêrdili ando Auschwitz peska familjasa ando bêrš 1943. Po milaj 1944 angêrde la avere řobonca ando Ravensbrück. 1945, pe palune marimaskê śona, teljardja le švedosko Lolo Trušul, tala pesko prezidento o grofo Folke Bernadotte, jek evakuacijako programo pala škandinavijakê řobur, kaj sas ande njamcongê KZ-ura. Parne busur, sêmnome ekhe lole trušulesa angêrenas karing 15.000 řobon ande slobodija. Le řobur sas fjal de fjal nacije. Maškar le skêpime źene sas vi e Sofia Taikon, savi avili pala o marimos jek kata l‘ maj ašunde reprezentantur kata l’ švedoskê Řom. E Sofia Taikon muli ando bêrš 2005.