C2 „Rasaki investigacija”

Ando bêrš 1936 teljardja e „Rassenhygenische und Bevölkerungsbiologische Forschungsstelle im Reichsgesundheitsamt“ ando Berlino jek „rasako investigacijako projekto“ pa l’ Sinti taj pa l’ Řom ando Njamco, ande Austrija taj ande regionur kata e adjesuji Čexoski Republika. O projekto kêrdja palal maj dur bući ande kooperacija la Institucijasa palaj Kriminalno Biologija. La ivestigacijako direktoro o Robert Ritter taj leski asistentkinja e Eva Justin cîrtisarde geneologijakê kopača kata Sinti taj Řom, kaj sîkavenas lengi geneologijaki řêdêčina vunivar maj but źi ka šêl bêrš plapale. Von lenas e mêsura kata manušêngo trupo taj kêrenas fotografije taj registruinas le manušêngi rateski grupa taj vi lengi balengi taj jakhêngi farba.