A3 Phirimaskê manuš

Ande maškaruji taj istočno Evropa avilesas le maj but Řom već de kata vuni šela bêrš bêšîmaskê manuša, kaj trajinas pe ‘k than, numa ande zapadno Evropa tradenas vuni Sintongê familije i maj dur peskê kampingonca ka diverzni bêršeskê vašarur. Von tîrguinas životinenca taj grastenca vaj purane metalonca taj kêrenas bući sar kovačja, kaldêraša vaj skuconas kaća taj śurja. Normalno tradenas von milaje pe peskê tradicionalni dromeskê rute taj ivende aśênas ande pengê themeskê opštine.