HODONÍN U KUNSTÁTU (CZ) | romasintigenocide

Maskar o 1942-dikno taj 1945-dikno bers, o hodoníniko „cigányiko“ tábori paso morvaországiko Kunštáto p’ odá haszninnahi, hogy le morvaországike romen fogjenge te ikren odoj. O dzsivibe ando tábori báre ergyavo sztya, szar phenasz o havibe taj o szovibe. Mist’ adá 207 manusa andar o 1375 hodonínike fogji különfélikne naszvalipende, főleg ando tífuszi múje ánde.

Dzsannahi odá

... hogy ando 1939-dikno bers ole níposzke ando Csehiko-Morvaországiko Protektorátusi o roma taj o szinti csak o 0,2 százaléko sztye, taj adalengero 90 százaléko múja telo holokauszto?

... hogy le csehike jagalen fontosno szerepo sztya and’ odá, hogy le csehike romen tradkernahi taj te lidzsnahi len ando lágerja?

Tumari búti

Arakhen ári, szo úja le Štefan Blahynkaha, ole csehike táboriko parancsnokoha palo 1945-dikno bers! Felelingya-i valakana vas’ odá, aszo kergya? Ko kerlahi búti vas’ odá, hogy pativalo emléko te ácshaven ole áldozatenge?

Palo kípo

Kípo palo romane dzsúja taj hurde csháve ando fogjiko tábori Hodonín u Kunštátuszte, aszo o O. Kucery kergya ando 1942-dikno bers. Romane Kultúrakero Múzeumo, Brno, Csehiko.

Download pdf

H7 HODONÍN U KUNSTÁTU (CZ)