D5 Kisérlettya

Erna Lauenburger jek terni szintkinya sztya, ako Berlinoszte nevelkedingya taj Magdeburgoszte géja te besen, aká családo la úja. Ando 1943-dikno bers la Erna lakere dú cshajenca AuschwitzBirkenauvoszte liginye, aká i Erna ánd’ odá múja ánde, hogy o Josef Mengele orvosike kisérlettya kerlahi uppe late. Te lakere cshaja Auschwitzoszte múje. Lakero rom, o Otto Schmidt ando buchenwaldiko lágeri múja. I Erna Lauenburger inspirálingya le Alex Weddingo, kana íringya po Ede taj Unku címűno kenyvo le hurde cshávenge, aszoszte jek berliniko raklo ketháne barátkozinel jekhe szintike cshaha. O Ede taj Unku kenyvo maskar o dú világháborúvi o jek sztya andar o leghíresneder hurde cshávengere kenyvi ando Nyimciko, taj te pe fi lmoszte le liginye. Ando 2011-dikno bers Berlinoszte jek ucca Ede taj Unku uccake nevezingye.