H4 DÜSSELDORF (D)

Ando bêrš 1937 trade le raj le Řomen taj Sinton, kaj trajinas ando foro Düsseldorf, zorasa te munčin pe ande forosko „Zigeunerlager“ Höherweg. Kote sas te bêšên ande zîdome ciglengê barake, pe l‘ feljestri sas sastrja, le vudara sas te phanden pe avrjal. Krujal o logoro thodi sas jekh kanřêngî sîrma. Le manuš kaj sas ando logoro phandade, tromanas te mêken o logoro numa palaj bući pe zor. Inja źene mule ando logoro. Le avêren, kaj ašile, deportirinas 1943 ando Auschwitz-Birkenau.