D4 Śavořê bi dadesko taj bi dejako

Ando majo 1944 deportirisajle 35 Řomengê taj Sintongê śavořê, – save aśilesas bi dadesko taj bi dejako – kata St. Josefs-Waisenhaus Mulfingen źi ando Auschwitz- Birkenau. O St. Josefs-Waisenhaus sas jek khêngêrjako khêr, kaj khêngêrjakê źene dikhênas le śavořên, kaj aśilesas bi dadesko taj bi dejako. E khêngêri či kêrdja protesto kontra e deportacija čiti zumadja te skêpisarel le śavořên. Vuni śavořê anda lende služînas palal le doktorongê kata SS sar viktimur, kaj pe lende kêrenas medicinski eksperimentur. Kata l’ 35 śavořê nakhle numa trin šavořê o genocido źuvindes.