H8 KOMÁROM (H)

O logoro Komároma služîlas sar centralno ćidimasko punkto pala l’ ungroskê Řom, save aźukêrenas ando bêrš 1944 peski deportacija ande njamcoskê KZ-ura te bi kêrenas bući zorasa. Le Řomen angêrde maj anglal ande regionalni „Zigeunerlager“ taj kotar maj dur ande Komároma, ande tvrdjava Csillageröd. Le maj but Řom sas te źan kodo drom telal aj kodo sas vunivar vuni šêla kilometrur dur. Kote selektirinas le muršên taj źuvljan, save źene sas dosta zurale te kêren bući, sas te źan o drom maj dur. But źene, kaj aśile palpale ando logoro merenas bokhatar. But viktimur merenas vi pe l’ „moartakê maršur“ po drom kata Komároma ź‘ ando Njamco. Katar le 10.000 manuš, save trajinas ande tvrdjava, preživisarde numa karing 4.000 źene o genocido.