H1 BERLIN-MARZAHN (D)

E antrego ljuma dikhlja ando bêrš 1936 pe milaski olimpijada kaj ankêrdili ando Berlino. Pe sja kodja vrjama tradenas le njamcoskê raj sja le Řomen taj le Sinton, kaj trajinas ando Berlino ando „Zigeunerlager Mahrzahn“. Le Řom taj Sinti tromajle te mêken o logoro numa atunči, te źanas von pe bući. Ando bêrš 1939 angêrenas bute manušên kata logoro ando KZ Sachsenhausen, te kêren von kote bući zorasa. Le Řom taj Sinti, save aśilesas ando logoro Mahrzahn, deportirisajle ando bêrš 1943 ando Auschwitz aj kote mundarde le maj buten anda lende.