C6 Isključime

O njamcicko bokseri, o Johann Wilhelm Trollman – leskê amala akharenas les „Rukeli“- njerisardja ando bêrš 1933 le boksosko šampionato, pe dopaš-phari kategorija, kontra o Adolf Witt, kaj sas pe kodja vrjama šampiono. Anda kodja, kaj o Trollman biandilo ande ‘k Sintongi familija, či kamle le boksoskê sudije te priznajin lesko njerimos taj či priznaisarde o rezultato. Numa pala publikakê protestur pařugle von peski decizija. Ali oxto djes palal khosle von pale le Trollmanosko titlo, kaća data vašobeče anda lesko „čořîvano xaraktero“. Phandade les taj angêrde les ande ’k KZ. Marturur mothon, kê kote musaj sas te marel pe permanentno boksoskê marimatanca kontra manuš kata SS. Ando bêrš 1944 mundarde les ando Wittemberge, ande ‘k čikno pašutno logori kata o baro KZ Neuengamme.