J1 BABYN YAR (UA)
E xar Babyn Yar, na dur kata la ukrajinako šêrutno foro Kiew, sas o than kata le maj bare masakrur le dujtone ljumakê marimastar. Maškar 1941 taj 1943 mundarde membrur kataj SS vuni deš miji manušên, jevrejon, ukrajinakê manušên, Řomen taj Sintonen taj angroposarde len ande gigantični masovni grobur. O masakro teljardja le mundarimasa kata 37.771 jevrejur anda foro Kiew ka 29. taj 30. septembro 1941. Jekh śon pala kodja mundardja e SS ande Babyn Yar le Řomen kata panź lokalni „Zigeunerlager“ taj angroposarde len kothe ande Babyn Yar.
