I11 TOPOVSKE ŠUPE (SR)
Ando avgusto 1941 formirisardja la vojskaki thaj e civilno administracija ka arejalo kata takosvani „Topovske Šupe“ jek koncentracijako logoro- pala srbijakê jevrejur, pala Řoma thaj anda politikaki sama phandade manuša. Kadala „Topovske Šupe“ sas maj anglal ketanijakê barake thaj depoziturja ando beogradosko maškar. O logoro ankêrde srbijakê kolaborantur. Ande leste phandade sas karing 5.000 jevrejur thaj karing 1.500 Řom. Savořên dine len puške, xancî palal pe diferentni egzekucijakê thana, trujal o Beograd.
