H15 TRANSNISTRIA (UA)

Ando bêrš 1942 angêrde la oxto bêršengira Anuta Brazan-a laka familjasa zorasa katar o Bukurêšti ande Transnistrija. Ande kodo bêrs musaj sas te munčin pe ande Transnistrija maj but de 30.000 rumunjakê Řom. E Transnistrija arakhadol pe granica kataj Rumunija taj Ukrajina. Le bêšîmaskê thana ande logorja sas generalno primitivni kolibe. But źene kata l‘ deportirime manuša sovenas avri pe l’ mala vaj ande l’ čořîvaja šupe. E Anuta preživisardja duj bokhakê bêrš zoraka bućasa tala bi-manušîkane kondicije. Maj but de jek dopašîn kata l’ deportirime manuš xasarde kote pesko trajo.