D3 Auschwitz-Birkenau

O dekreto kata o Heinrich Himmler pa Auschwitz kata o 16. decembro 1942 mothodja, kê sja le „Zigeuner“ save trajin înkê ando Njamco sî te aven deportirime ando AuschwitzBirkenau. Kaća porunka markiril e maj paluji planoski faza palaj eksterminacija kata l’ “Zigeuner“. Le masovni deportacije kata le njamcoskê, la austrijakê taj kata le čexoskê Řom taj Sinti ande AuschwitzBirkenau teljarde ando aprilo 1943. Maj but de 20.000 Řom taj Sinti spide sas ando Auschwitz ande 32 kaštune barake ando “Zigeunerfamilienlager”. Źi ka juni 1944 mule lendar 70 procentur. Kodolen, kaj sas dosta zurale te kêren bući, angêrenas pe aver KZ-ura, 2.879 řobon kaj palpale aśilesas, mundarenas gasosa ande rjat kata o 2. avgusto 1944.